Laerskool Jopie Fourie is 'n openbare laerskool in Pretoria wat na Jopie Fourie genoem is. Die leuse is "Getrou Tot Die Dood". Die skool se adres is 5de Laan 5, Salvokop, Pretoria, 0002 (oorkant Korrektiewe dienste). Die skool was aanvanklik Engelsmedium en het as die South End School bekend gestaan. Vanweë die ontwikkeling in die middestad van Pretoria is dit later na 'n Afrikaanse laerskool verander. Die skool is in 1970 herdoop na die Laerskool Jopie Fourie. Ná 1994 het die taalbehoeftes egter verander en die skool het in 2003 430 Engels- en 120 Afrikaanssprekende leerlinge gehad. In 2006 het die skool enkelmedium Engels geword.